Vjen lajmi i madh nga BE/ Ja cfarë do të ndodhë me shqiptarët që duan të udhëtojnë

Qytetarët e vendeve të treta, përfshirë ata nga Ballkani Perëndimor, që janë vak sinuar me dy doza kundër koronavirusit në vendet e tyre, do të mund të udhëtojnë në Bashkimin Evropian pa kufizime.

BE-ja ka në plan të miratojë “certifikatat digjitale”, për banorët e vendeve të Bashkimit Evropian të cilat do të shërbejnë për udhëtime brenda bllokut. Derisa të bëhet miratimi i tyre, BE-ja ka vendosur që të pranojë certifikatat e lëshuara nga vendet e treta dhe ato duhet të përmbajnë një minimum të të dhënave, bazuar në legjislacionin kombëtar, që do të dëshmojnë autenticitetin, vlefshmërinë dhe integritetin e dokumentit.

“Nëse vendet e BE-së pranojnë prova të vak sinimit, ato në parim duhet të heqin kufizimet në udhëtimet jo-thelbësore për udhëtarët e vendeve të treta që kanë marrë dozën e dytë të vak sinave të miratuara nga Agjencia Evropiane e Barnave të paktën 14 ditë para arritjes në territorin e BE-së”, thuhet në rekomandim.

Agjencia Evropiane e Barnave deri më tani ka miratuar për përdorim vak sinat e Pfizer/BionTech, Moderna, Johnson&Johnson si dhe AstraZeneca.

BE-ja gjithashtu miratoi rekomandimin për të hequr kufizimet e udhëtimit për vendet, të cilat në 14 ditët e fundit, kanë regjistruar maksimumi 75 raste të të infektuarve në ditë për 100.000 banorë.

Deri më tani, ky prag ka qenë 25 raste për 100,000 banorë.

BE-ja gjithashtu ka përditësuar listën e “shteteve të gjelbërta”, pra të atyre vendeve që konsiderohen të sigurta sa i takon përhapjes së koronavirusit të ri. Qytetarët e këtyre vendeve mund të lëvizin pa pengesa brenda BE-së.

Vendimi i ministrave të BE-së nuk është ligjërisht i detyrueshëm pasi vendet anëtare, veç e veç vendosin nëse do të zbatojnë rekomandimet.

You may also like...

Leave a Reply

Your email address will not be published. Required fields are marked *