29-vjeçarja ndërron jetë 5 ditë pas lindjes me operacion

Një e re 29 vjeçare ka ndërruar jetë ditën e djeshme, disa ditë pas lindjes në Durrës.

Policia e Durrësit njofton se një ditë më parë rreth orës 20:00, ka mbërritur pa shenja jete në spitalin rajonal Durrës shtetasja Ardita Hersi Muça 29 vjeçe, banuese në Shkallnur.

E reja ka lindur fëmijën e dytë, djalë me datë 30 qershor në maternitetin e Durrësit dhe lindja është kryer me operacion.

Trupi i viktimës ndodhet në morgun e spitalit për t’iu nënshtruar një ekspertize mjeko ligjore më të specializuar.

Materialet i kaluan Prokurorisë së Rrethit Gjyqësor Durrës për veprime të mëtejshme dhe grupi hetimor po punon për zbardhjen e ngjarjes.

You may also like...

Leave a Reply

Your email address will not be published. Required fields are marked *