Fëmijëve mund t’u shponi veshët vetëm pas kësaj moshe

Mjekët pediatër rekomandojnë që shpimi i veshëve të mos bëhet para moshës 6 vjeç.

Që në fëmijëri, vajzave u pëlqen të luajnë me kukullat, t’i veshin dhe të kujdesen për to. Me kalimin e viteve, kjo dëshirë fëmijërore kalon nga kukullat tek fëmijët.

Të mos keqkuptohemi, nuk nënkuptojmë që fëmijët janë objekte apo lodra, pasi do të ishte një ide e pabazë dhe absurde.

Shumë nëna të reja kalojnë me orë e orë të tëra për të zgjedhur veshjet e duhura për vogëlushet e tyre, bëjnë kombinimet mes këpucëve dhe fustaneve, kordeleve dhe paliçetave, kapseve të flokëve dhe vëthëve etj.

Një aksesor shumë i rëndësishëm dhe femëror janë padiskutim vëthët. Me siguri ju ka ndodhur të vini re që shumë vogëlushe, më të vogla se 2 vjeç, i kanë veshët e shpuar.

Por cila është mosha e duhur për t’i shpuar veshët një fëmije? Mjekët pediatër rekomandojnë që shpimi i veshëve të mos bëhet para moshës 6 vjeç.

Para kësaj moshe fëmijët kanë sistem imunitar të dobët, i cili mund të reagojë negativisht ndaj këtij veprimi dhe të shoqërohet me temperaturë të lartë, dhimbje veshi, inflamacion, pamundësi për të fjetur, realskion alergjik, fryrje dhe deri në qelbëzim të kësaj pjese delikate të trupit të fëmijës.

Mjekët rekomandojnë që shpimi i veshëve të bëhet në kushte të forta higjienike dhe të jeni të sigurtë që fëmija juaj nuk vuan nga patologjia e dermatitit atopik. Këshillohet që materiali i vëthëve të parë të jetë ar, argjend ose 100% titan.

You may also like...

Leave a Reply

Your email address will not be published. Required fields are marked *