Arbër Hajdari bën gabimin e madh brenda shtëpisë së Big Brother/ Ja cfarë informacioni dha nga jashtë…

Arbër Hajdari dhe Balina Bodinaku sonte po darkojnë me banorët e Big Brother VIP në shtëpinë më të famshme në Shqipëri. Banorët kanë gatuar për ta dhe darka po ecën shkëlqyeshëm.

Një moment pikant ishte kur Arbri nisi t’u tregonte banorëve një ngjarje nga jashtë, që ata nuk e dinë. “Ore, po t’ju them unë juve se Sali Berisha po përpiqet t’i marrë partinë Lul Bashës?” – tha ai.

Donaldi e ndërpreu menjëherë. “Po jooo, se kjo dihej, nisi si temë para se të hynim ne këtu”. Aktori më pas foli për emisionin e ri me vëllain e tij në Top Channel.

“Po e mendoja si rubrikë emisioni ‘Më lër të flas’, por nuk e prisja kurrë që vëllai ta mendonte këtë shprehje si titull emisioni”, tha Donaldi.

Monika ndërhyu duke thënë se në emisionin e parë Donaldi do ftojë Ilirin. “Këta janë bërë mjeshtra. Kanë që në fillim që hedhin e marrin nga njëri-tjetri”, ia ktheu Arbri, duke komentuar dyshen Donald-Ilir.

Big Brother Albania VIP tashmë ka hyrë në fazën e fundit të këtij edicioni. Finalja e madhe është me 18 shkurt, ku do të shpallet fituesi i trofeut që vlen 115 mijë euro.