“U shpërngulën nga serbët”, Beniada tregon historinë se pse përdor mbiemrin e nënës

Beniada Nishani ka rrëfyer disa nga “copëzat” e jetës së saj.

Ajo njihej vetëm si modele, por pas pjesëmarrjes në “Big Brother VIP” Beniada Nishani u bë mjaft e dashur për publikun shqiptar.

Së fundmi, modelja superseksi ka vendosur që t’u kthejë përgjigje disa prej pyetjeve që fansat e shumtë i kanë bërë, duket se disa nga ndjekësit kanë dashur të dinë se pse në rrjetet sociale mban mbiemrin e mamit “Jakiç”.

Ajo ka treguar se në karrierën e saj në Itali, përveç mbiemrit Nishani, ka dashur të ketë dhe një emër arti dhe si pasojë prezantohet si Beniada Jakiç.

“Në karrierën time në Itali, përveç mbiemrit Nishani, vendosa të prezantohem me emrin e artit, Beniada Jakiç (mbiemri i nënës sime), Jakiç vjen nga muhaxhirët shqiptarë të Bosnjës, të cilët u shpërngulën me forcë nga trojet e tyre nga serbët.

Dhe Jakiçin e përdor si mbiemër në formë figurative, në prezantimet e mia si modele”, ka sqaruar ish-banorja e BB VIP.