Donin t’i prishnin hotelin/ Vlonjati bashkë me djalin 3 vjeç hipën në tarracë dhe…

Fadromat e IKMT kanë nisur ditën e sotme shembjen e shtëpive në Vlorë, në zonën e Radhimës. Ashtu sic dhe pritej, banorët kundërshtojnë prishjen e banesave, duke argumentuar se po bëhet në mënyrë selektive dhe jo sipas ligjit.Një prej pronarëve të hotelit në Radhimë, i cili do të shembet ka marrë djalin e mitur 3 vjeç në krahë dhe ka hipur në tarracë duke iu thënë se nëse nuk ndalojnë shëmbjen atëhere ai do të hidhet.

Sipas banorëve kati i parë i këtij objekti është i legalizuar, ndërsa kati i dytë dhe i tretë është në proces legalizimi. “Objekti është legalizuar, kati i parë i legalizuar ndërsa kati i dytë dhe i tretë është në process legalizimi. Kati i parë është marrë me qira nga një shtetas italian”, tha një prej banorëve.Ndërsa një tjetër banor u shpreh ”

Kjo është partia dhe qeveria jonë. Kemi 13 fëmijë këtu që kemi investuar. Ne i kemi të gjitha dokumentat, i kemi marrë që në vitin 1992, është marrë me pronë shteti.”Forca të shumta policie në vendngjarje, njerëz të shumtë të grumbulluar, pronarët e shtëpive, familjarët e tyre, si dhe nuk mungon media, por situata duket vërtet e tensionuar.Në fakt nuk është hera e parë që prishja e shtëpive, hoteleve, restoranteve, në zonën e Vlorës dhe Sarandës krijon situata të tilla. Drejtuesit e IKMT thonë se janë objekte pa leje, nga ana tjetër pronarët e tyre thonë se i kanë me leje ose në proces legalizimi.