Edhe qielli e qau/ Përcillet në banesën e fundit 24-vjeçarja nga Kavaja që humbi jetën në Itali

Sot në qytetin e Kavajës, familjarë, të afërm dhe qindra qytetarë kanë përcjellë mes lotësh e dhimbje në banesën e fundit 24-vjeçaren Daiana Galicaj.Daiana u nda nga jeta në lule të rinisë pas një a ksidenti tragjik në Itali, ku jetonte dhe punonte prej disa kohësh. Ajo ishte duke u kthyer nga puna në komunën Castelmassa, kur humbi kontrollin e mjetit me të cilin udhëtonte.Galicaj punonte në kompaninë Amazon e prej kohësh jetonte në Badia Polesino.

Humbje e pangushëllueshme për prindërit, motrën, vëllain, të fejuarin dhe gjithë të afërmit e miqtë që sot i dhanë Lamtumirën e fundit!Të qoftë bahçe e mbushur me lule ajo bota tjetër, si lulet e panumërta me të cilat të mbuluan sot!”,- shkruan faqja që mban emrin e qytetit në rrjetet sociale.Sot e gjithë Kavaja thuajse ishte në rrugë për ta përshëndetur për herë të fundit bashkëqytetaren e saj, e cila u largua shumë shpejt nga kjo jetë.Familjarët e saj, të afërm, të njohur, e qytetarë të thjeshtë përcollën me lule Daianën për në banesën e fundit. Ditë e zymtë sot për gjithë Kavajën.