Multimilioneri rus vret me sëpatë gruan dhe vajzën e tij, më pas edhe veten

Një multimilioner rus ka goditur për vdekje me sëpatë gruan dhe vajzën e tij adoleshente, në vilën e tyre luksoze në Spanjë, para se të vriste veten.

Sergey Protosenya besohet se ka vrarë gruan Natalia, dhe vajzën e tij 18-vjeçare në vilën e tij në Lloret de Mar në Costa Brava të Spanjës, sipas mediave lokale.

55-vjeçari mbajti postin e Zëvendëskryetarit në Bordin e Drejtorëve për kompaninë e gazit natyror Novatek për më shumë se shtatë vjet, dhe ka grumbulluar një pasuri prej rreth 330 milionë eurosh.

Familja ruse jetonte në Francë, por vizitoi rezidencën spanjolle si shtëpinë e tyre të dytë, thonë raportet.

Protosenya dhe gruaja e tij 53-vjeçare kishin dy fëmijë së bashku, viktimën 18-vjeçare dhe një djalë adoleshent, i cili ishte në Francë në kohën e vrasjeve.

Djali adoleshent telefonoi policinë katalunase, kur ai nuk ishte në gjendje të kontaktonte me ndonjë nga anëtarët e familjes së tij, raporton Mirror.

Oficerët kontrolluan vilën dhe gjetën Protosenya të vdekur në oborr, para se të gjenin trupat e pajetë të gruas dhe vajzës së tij adoleshente në shtëpi.

Sipas raporteve lokale, policia po punon në hipotezën se Protosenya i vrau gruan dhe vajzën me sëpatë teksa ishin duke fjetur.

You may also like...

Leave a Reply

Your email address will not be published.