Piu një shishe plot me alkool për dy minuta, për të fituar një bast 11 euro, vdes i riu

Afrika e Jugut- Një bast fare simbolik i ka marrë jetën.

Ngjarja e rëndë ka ndodhur në një dyqan pijesh alkoolike në Afrikën e Jugut, gjatë një konkursi, ku fituesi shpërblehej me para.

Një 25-vjeçar vdiq pasi piu një shishe të tërë me një pije të njohur në më pak se dy minuta. Policia e Waterval, në provincën e Limpopo, ka hapur një hetim për rastin e rëndë.

Sipas zëdhënësit të policisë Brig Motlafela Mojapelo, incidenti ndodhi në një dyqan pijesh alkoolike në fshatin Mashamba.

Duket se klientët po merrnin pjesë në një konkurs të pijes, në të cilën personi që arriti të përfundonte një shishe të tërë të një likeri të njohur tretës me një alkool në vëllim prej 35% brenda një kohe të caktuar, do të kishte fituar 200 randë, rreth 11 euro.

I riu u rrëzua në tokë dhe kishte puls të ulët, ndërsa pasi u dërgua në spital ndërroi jetë.