Ende egzistojn njerëz të tillë.!E rrallë, Zonja Fikrije ka rritur mbi 15 fëmijë pa mbështetje prindërore..!

Semra dhe Metini janë fëmijë jetim të cilët janë lënë në jetimore. Por, ata fare nuk e ndjejnë mungesën e prindërve, sepse ata i ka marrë nën përkujdesje zonja Fikrije Arullai nga Shkupi, gjegjësisht nga fshati Moranë.

“Mamin e do a babin?”

Ka 20 vite që zonja Fikrije përkujdeset për fëmijët të cilët nuk kanë mbështetje prindërore. Ajo thotë se deri tani është përkujdesur për mbi 15 fëmijë, të cilët i ka marrë nga Qendra për punë sociale.

Ajo thotë se kënaqet me fëmijët dhe se qëllimi i saj është që këtyre fëmijëve të mos u mungojë asgjë.

“Nuk e bëj për para. Unë dua t’i drejtojë ata në rrugën e duhur, për Zot e bëj. Vetëm për Zot e bëj , që tu ndihmoj, sepse është gjynah, duhet dikush të ua zgjatë dorën”

Nuk është se vet nuk ka pasur fëmijë, ajo ka rritur 5 fëmijët e saj, por dashuria për ët vegjëlit thotë se është shumë e madhe.

-Po me që ju nënë vet, na tregoni sa fëmijë keni?

“5 i kamë të mi. 3 vajza dhe 2 djem. Më e madhja i ka 36 vjet. -Ata si i presin fëmijët? Mirë i duan shumë”

Vajza Semra tani është 7 vjeçe. Thotë se atë e ka marrë prej kur i ka pasur 5 muaj. Ajo atë e quan nënë.

Përkujdesjen ndaj fëmijëve e bënë me shumë dëshirë sepse i do shumë fëmijët, andaj thotë se aspak për të nuk është e vështirë.

“Për mua nuk është hiq e vështirë, unë jam e mësuar me fëmijë dhe jam një njeri që i dua fëmijët. Unë kamë shumë dashuri për fëmijët”

Gazetarja: Po e shohim vajza po të qëndron afër, e dini ku i ka prindërit e vërtetët ajo?

“Semra, kur e ka lindur nëna e saj, ia ka marr shteti, s’ka pas kushte për ta ruajtur, babai i saj kërkon lëmosh nëpër semafora, por nëna e saj ka probleme mendore, është e sëmurë, më shumë është në Bardovcë se sa në shpi”

-Prej në cilën moshë e keni marrë?

“Prej 5 muajshe e kam marrë Semrën”

-Si sillet ajo me juve?

“Mirë, mami, babi e thërret burrin tim, neve na di si familje.”

-A ka filluar shkollën?

“Po klasa e parë është në Moranë.”

“Mirë është ka filluar të flas sepse nuk ka folur gjatë, 5 vite nuk ka fol Semra. E kam dërguar në mjek vet, nuk më ka përkrahur askush..

Gazetarja: Por kur largohen a mërziteni?

“Mërzitem shumë.”

-A dëshiron ti takosh sërish?

“Po shumë, tani e kanë marrë njërën. Ajo rri në Fushë Tophanë, për atë mërzitem shumë, ajo shumë mirë është sjellë me mua, më donte. e doja.”

“Krejt gëzohen kur më shohin me fëmijët. Më thonë lumja ti, që u ndihmon, se vërtete këta fëmijë Zoti i ka falur, por atyre ua ka dërguar rrëskun që dikush me u ndihmu, me u kujdes.”

Për përkujdesjen e fëmijëve deri tani ka marrë nga 12 denarë nga shteti, ndërsa tani së fundmi merr 17 mijë denarë, por thotë se kjo vlerë nuk është aspak e rëndësishme.

“Nuk është puna për 12 mijë ose le të jetë 30 mijë denarë, nuk është mjaftueshëm, sepse ti je 24 orë e lidhur për këtë fëmijë, puna është që për parajsë ta bëjmë një punë të mirë, sepse jeta në këtë botë është e shkurtër.”

Zonjë Fikrije u bënë apel të gjitha familjeve të cilat kanë kushte, të marrin fëmijë nën përkujdesje dhe të adaptojnë, pasi siç thotë është një kënaqësi e veçantë, por njëkohësisht u bënë apel edhe institucioneve kompetente, ta lehtësojnë procedurën e adoptimit të fëmijëve në mënyrë që edhe përkatësia etnike të mos jetë pengesë për marrjen në përkujdesje të fëmijëve jetim.

Edhe pse nuk i ka lindur ajo, kudo që shkon fëmijët i merr me vete. Zonja Ajrullai u shpreh që edhe familjarët e përgëzojnë për punën që e bën.