Në mbrëmjen e radhës së spektaklit, jo vetëm banorët e “Big Brother VIP Kosova 4” ndanë emocione dhe histori personale, por edhe një prej figurave më të dashura të showbizit shqiptar, Leonora Jakupi, e cila këtë sezon po shfaqet si opinioniste.

Me një karrierë të gjatë, me sukses dhe një jetë plot mister për publikun, Leonora vendosi të hapet për një temë delikate që e ka shoqëruar prej vitesh: pse nuk është martuar dhe pse nuk ka fëmijë.

Gjatë diskutimit rreth paragjykimeve të shoqërisë, këngëtarja foli sinqerisht, duke treguar se shpesh është ndier e gjykuar pa të drejtë:

“Edhe unë kam qenë pre e paragjykimeve. Çdo herë më kanë pyetur pse nuk jam martuar, pse nuk kam bërë fëmijë. Si të jetë kjo detyrim, jo zgjedhje.”

Leonora theksoi se jeta e secilit duhet të vlerësohet nga vlerat, jo nga statusi martesor, duke shtuar se njerëzit duhet të ndihen të lirë të jetojnë sipas ritmit të tyre, pa presion nga shoqëria.

Ajo zgjodhi të mos japë shumë detaje personale, por la të kuptohet se vendimet e saj janë marrë me përgjegjësi dhe pa u ndikuar nga pritjet e të tjerëve.

Mesazhi i Leonorës ishte i qartë:

– Martesa nuk është çelësi i lumturisë.