Ish-banori i Big Brother VIP Kosova 4, Getoari, ka ndarë mendimet e tij mbi eliminimin nga shtëpia më e njohur në vend, duke theksuar se qetësia e tij mund të ketë luajtur një rol të rëndësishëm në këtë vendim.

Në një intervistë të fundit, ai shpjegoi se si profili i tij më i qetë dhe mungesa e përfshirjes në debate e kanë penalizuar atë në sytë e publikut.

“Nuk kam qenë shumë aktiv brenda shtëpisë së Big Brother VIP Kosova 4,” tha Getoari, duke pranuar se natyra e tij e qetë ndoshta nuk ka qenë e preferuar nga audienca.

Ai theksoi se ndonjëherë, një qasje më e qetë mund të mos jetë mjaftueshëm erëndësishme për të fituar simpatinë e publikut.

Getoari e pranoi se temperamentin e tij e ka më të qetë, dhe kjo ka reflektuar në sjelljen e tij gjatë qëndrimit në shtëpi.

Ai beson se ndoshta publiku ka pritur më shumë energji dhe dinamizëm nga ai, veçanërisht në një format si Big Brother, ku debati dhe përplasjet janë thelbësore.

“Kam qenë në një pjesë më të qetë, besoj se edhe qetësia e ka vendin e vet, por publiku ka vendosur, është zgjedhja e tyre,” tha ai, duke e pranuar se vendimi i publikut është përfundimtar.

Kjo tregon se ndonjëherë, qetësia nuk është gjithmonë një virtyt në një ambient të tillë konkurrues.