Sezoni i katërt i spektaklit të njohur dhe shumë të ndjekur, Big Brother VIP Kosova, ka filluar me një impakt të jashtëzakonshëm që nga nata e parë, duke shkaktuar një bujë të madhe në mediat sociale dhe në mesin e publikut shqiptar në të gjithë botën.

Ky edicion, që nisi më 17 nëntor, ka tërhequr menjëherë vëmendjen e fansave dhe ka krijuar një atmosferë diskutimi dhe eksitimi të jashtëzakonshëm për të gjithë ndjekësit e formatit.

Diamant Bajra, një nga zërat kryesorë të Big Brother VIP Kosova në rrjetet sociale, ka dhënë detaje mbi angazhimin e jashtëzakonshëm që ky sezon po regjistron.

Sipas statistikave të publikuara nga Bajra, ky edicion ka arritur të krijojë një nivel shumë të lartë interaktiviteti dhe shikueshmërie në të gjitha platformat ku transmetohet programi, duke përfshirë rrjetet sociale, platforma streaming dhe transmetimet televizive.

Bajra thekson se, që nga dita e nisjes së sezonit të katërt, janë regjistruar mbi 800 milionë shikime në të gjitha platformat në baza ditore.

Ky shifër tregon një rritje të ndjeshme krahasuar me edicionet e kaluara dhe dëshmon një interes dhe angazhim të jashtëzakonshëm nga publiku.

“Krahasuar me edicionin e kaluar, në të njëjtën periudhë kohore, ky sezon ka arritur të regjistrojë 200% shikueshmëri më të lartë,” shpjegon Bajra, duke nënvizuar suksesin e dukshëm që po shënon ky edicion.