Mbrëmë, në një ngjarje të veçantë në RTV Dukagjini, paneli përkujtimor për Shpat Kasapin nxori në pah jo vetëm emocione të thella, por edhe një debat të ashpër mbi një rastësi të dhimbshme që preku të gjithë të pranishmit.

Të ftuarit, përfshirë emra të njohur si Big Mama dhe Adelina Tahiri, shprehën kritika të hapura ndaj Adelinës Ismaili.

Kjo ndodhi pas koncertit të saj recital për 40-vjetorin, i cili u mbajt në të njëjtën ditë kur u njoftua për vdekjen e Shpatit, pa përmendur asnjëherë këtë ngjarje tragjike gjatë performancës.

Shumë kolegë dhe miq të Shpatit vlerësuan se një dedikim ose një moment heshtjeje do të kishte qenë një akt i domosdoshëm, duke respektuar kujtimin e tij në një moment kaq të rëndësishëm.

Qahili theksoi se agjenda e koncertit ishte e paracaktuar deri në detaj, duke e bërë pothuajse të pamundur ndryshimin e skenarit në një moment kaq delikat, kur artisti ndodhet në skenë.

Këto fjalë duket se kanë prekur thellë familjen Ismaili, e cila ka reaguar menjëherë pas kritikave të shumta që kanë ardhur në adresë të Adelinës.

Motra e Adelinës, Ema Ismaili, ka postuar një “story” në rrjetet sociale, ku ka ndarë një video të Avni Qahilit duke folur, duke e shoqëruar atë me fjalët: “I madh je Avni”, duke e mbështetur kështu publikisht.